Oʻzbekiston va Eron oʻzaro hamkorlikni yakunladilar va 2026-yilga moʻljallangan rejalarni muhokama qildilar

Toshkent, O‘zbekiston (UzDaily.uz) — 23-dekabr kuni O‘zbekiston tashqi ishlar vazirining birinchi o‘rinbosari Baxromjon A’loyev mamlakatimizdagi Eron Islom Respublikasi Favqulodda va Muxtor Elchisi Muhammad Ali Iskandariy bilan uchrashuv o‘tkazdi.

Uchrashuv davomida tomonlar ikki tomonlama kun tartibidagi dolzarb masalalarni ko‘rib chiqdilar, 2025-yilda siyosiy, savdo-iqtisodiy hamda madaniy-gumanitar sohalardagi hamkorlik yakunlarini sarhisob qildilar, shuningdek, 2026-yilga mo‘ljallangan hamkorlikning ustuvor yo‘nalishlarini belgilab oldilar.

Tomonlar ikki tomonlama kun tartibidagi dolzarb masalalarni muhokama qilish maqsadida ishchi aloqalarni davom ettirishga tayyor ekanliklarini bildirdilar.