Oʻzbekiston va BAA madaniy hamkorlikni kengaytirish masalalarini muhokama qilishdi

Toshkent, O‘zbekiston (UzDaily.uz) — Samarqandda O‘zbekiston Madaniyat va san’atni rivojlantirish jamg‘armasi raisi Gayane Umerova Birlashgan Arab Amirliklari Madaniyat va yoshlar vaziri shayx Salom bin Xolid Ol-Qosimiy bilan uchrashdi.

Tomonlar YUNESKO doirasidagi hamkorlik va madaniy sheriklikni kengaytirish masalalarini muhokama qildilar.

Qo‘shma tashabbuslar, jumladan, O‘zbekistonning Abu-Dabi Luvridagi Al Burda mukofoti taqdirlash marosimida ishtirok etishi, Abu-Dabi Luvr bilan hamkorlikda ko‘rgazma namoyishini uyushtirish, shuningdek, san’at, hunarmandchilik, zamonaviy san’at va kreativ iqtisodiyot sohasidagi loyihalar: badiiy qarorgohlar, mahorat darslari, ta’lim dasturlari, muzeylar va raqamli merosni boshqarish bo‘yicha tajriba almashish masalalari ko‘rib chiqildi.

Uchrashuv O‘zbekiston va Birlashgan Arab Amirliklarining madaniy muloqotni mustahkamlash, meros, san’at va kreativ iqtisodiyot sohalarida qo‘shma tashabbuslarni taraqqiy ettirishga sodiqligini tasdiqladi.