Oʻzbekiston Sanoat va savdo vazirligi rahbari Air Products bilan yangi investitsiya loyihalari va STEAM tashabbuslarini muhokama qildi

Toshkent, O‘zbekiston (UzDaily.uz) — 24-yanvar kuni Investitsiyalar, sanoat va savdo vazirligi rahbari Laziz Kudratov AQShning Air Products kompaniyasining Yevropa va Afrika mintaqalari bo‘yicha Prezidenti Ivo Bols bilan uchrashdi.

Muloqot davomida qo‘shma investitsiya loyihalarini amalga oshirishning joriy holati va istiqbollari muhokama qilindi. Qarshida “American Makerspace in Qarshi” innovatsion ta’lim maydonchasini ishga tushirish masalasiga alohida e’tibor qaratildi. Mazkur loyiha STEAM yo‘nalishlarini rivojlantirishga qaratilgan.

Loyiha ta’limni qo‘llab-quvvatlash, ijodiy va tanqidiy fikrlashni rivojlantirish, shuningdek, global iqtisodiyot sharoitida talab yuqori bo‘lgan texnik ko‘nikmalarni shakllantirishga xizmat qiladi.

Uchrashuv yakunida tomonlar strategik sheriklikni yanada chuqurlashtirish hamda mamlakatning barqaror iqtisodiy va texnologik rivojlanishiga xizmat qiluvchi loyihalarni amalga oshirishga tayyor ekanliklarini bildirdilar.