Oʻzbekiston Islom birdamlik oʻyinlarini 17-noyabr kuni 13 ta medal bilan yakunladi

Toshkent, O‘zbekiston (UzDaily.uz) — 17-noyabr kuni Oʻzbekiston delegatsiyasi uchun Islom birdamlik oʻyinlarining eng muvaffaqiyatli kunlaridan biri boʻldi.

Sportchilar 5 ta oltin, 5 ta kumush va 3 ta bronza medallarini qoʻlga kiritib, yuqori darajadagi tayyorgarlik va mahoratni namoyish etdilar.

Oltin medallar:

Barnoxon Sayfullayeva (yengil atletika, balandlikka sakrash)

Diyorbek Toʻxliboyev (taekvondo WT, -67 kg)

Marat Mavlonov (taekvondo WT, +82 kg)

Meyirxan Timurov (qilichbozlik, shpaga)

Nargiza Qoʻchqorova (yengil atletika, nayza uloqtirish)

Kumush medallar:

Suhrob Xodjayev (yengil atletika, bosqon uloqtirish)

Sharifa Davronova (yengil atletika, uch hatlab sakrash)

Javohir Nurmatov (qilichbozlik, shpaga)

Gulistan Perdibayeva (qilichbozlik, sablya)

Svetlana Osipova (taekvondo WT, +70 kg)

Bronza medallar:

Valeriya Gorbatova (yengil atletika, balandlikka sakrash)

Ayubxon Fayozov (yengil atletika, bosqon uloqtirish)

Diyora Azizova (taekvondo WT, -63 kg)