O‘zgidromet O‘zbekistonning ayrim hududlarida kuchli yomg‘ir, shamol va qor yog‘ishi haqida ogohlantirdi

Toshkent, O‘zbekiston (UzDaily.uz) — O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi huzuridagi Gidrometeorologiya xizmati agentligi mamlakat hududida yaqin kunlarda kutilayotgan noqulay ob-havo sharoitlari haqida favqulodda ogohlantirish eʼlon qildi.

O‘zgidromet maʼlumotlariga ko‘ra, hafta davomida respublika hududining deyarli barcha qismida yomg‘ir yog‘ishi, ayrim joylarda tuman kuzatilishi kutilmoqda.

Baʼzi hududlarda kuchli yog‘ingarchilik va shamol tezligining kuchayishi mumkin.

Mamlakatning shimoliy hamda tog‘li hududlari yomg‘ir qor bilan aralash holda yog‘ishi, harorat pasayishi ehtimoli mavjud.

Tog‘li hududlarda qor ko‘chishi xavfi saqlanib qolmoqda.

O‘zgidromet aholi va tegishli xizmatlarni prognoz qilinayotgan ob-havo sharoitlarini inobatga olishga va xavfsizlik choralariga qatʼiy rioya qilishga chaqirdi.