Toshkent, O‘zbekiston (UzDaily.uz) — O‘zbekistonning o‘smirlar terma jamoasi (U-17) CAFA U-17 Championship 2025 turniri finaliga yo‘l oldi. A guruhida qatnashgan jamoa guruh bosqichini muvaffaqiyatli yakunlab, ikki yorqin g‘alaba qayd etdi.

Dastlabki uchrashuvda o‘zbekistonlik futbolchilar Qirg‘iziston yoshlar jamoasini 5:1 hisobida mag‘lub etdilar. Ikkinchi bellashuvda esa terma jamoa iroda va xarakter ko‘rsatib, Eron jamoasini 4:2 hisobida yengdi. Qizig‘i shundaki, birinchi taym yakunlariga ko‘ra, o‘zbekistonliklar 0:2 hisobida orqada edilar.

Turnir finalida O‘zbekiston terma jamoasi B guruhini 6 ochko bilan birinchi o‘rinda yakunlagan Tojikiston jamoasiga qarshi maydonga tushadi.