O‘zbekistonning Isroildagi elchixonasi TikTok‘dagi mamlakat fuqarosi bilan bog‘liq hodisa yuzasidan izoh berdi

Toshkent, O‘zbekiston (UzDaily.uz) — O‘zbekiston Respublikasining Isroildagi elchixonasi mamlakat fuqarosi ishtirokida sodir bo‘lgan va jamoatchilikda rezonans keltirib chiqargan hodisa haqida maʼlum qildi.

2026 yil 28 fevral kuni O‘zbekiston fuqarosi N.X. TikTok tarmog‘ida raketa zarbasi va sirenalar yoqilgan paytda tasvirga olingan videoni joylashtirgan bo‘lib, unda qabul qilib bo‘lmaydigan ifodalar ishlatilgan. Videomaterial Isroil ijtimoiy tarmoqlar segmentida keng tarqalib, jamoatchilik orasida katta norozilikka sabab bo‘lgan.

Mazkur holat yuzasidan Isroil fuqarosi A.X. politsiyaga murojaat qilgan. O‘zbekiston elchixonasining konsullik bo‘limi N.X. bilan zudlik bilan bog‘lanib, u bilan suhbat va tushuntirish ishlarini olib bordi, shuningdek Isroil tomoni bilan hamkorlik qildi. Hozirda N.X. xavfsiz sharoitda bo‘lib, vaziyat konsullik bo‘limi tomonidan to‘liq nazorat qilinmoqda.

Elchixona O‘zbekiston fuqarolarini mahalliy qonunchilikka qatʼiy rioya qilishga, o‘z xatti-harakatlarida ehtiyotkor bo‘lishga, provokatsiyalarga yo‘l qo‘ymaslikka hamda raketa hujumlari vaqtida Isroil fronti qo‘mondonligi tomonidan beriladigan xavfsizlik bo‘yicha tavsiyalarga so‘zsiz amal qilishga chaqiradi.