O‘zbekistonliklar YIDX orqali bank kartalari va SIM-kartalar ustidan nazoratga ega bo‘ladi

Toshkent, O‘zbekiston (UzDaily.uz) — O‘zbekiston fuqarolari yaqin orada o‘z nomlariga rasmiylashtirilgan barcha bank kartalari va mobil telefon raqamlarini nazorat qilish imkoniyatiga ega bo‘ladilar. Mazkur xizmatni 2026 yil oxiriga qadar Yagona interaktiv davlat xizmatlari portali — YIDX platformasida ishga tushirish rejalashtirilmoqda.

Yangi servis orqali foydalanuvchilar o‘z nomiga ro‘yxatdan o‘tkazilgan bank kartalari va SIM-kartalar sonini ko‘rishlari, zarurat tug‘ilganda esa ularni yopish uchun ariza topshirishlari mumkin bo‘ladi.

Tizim banklar va mobil aloqa operatorlarining axborot tizimlari bilan xavfsiz integratsiyani taʼminlaydi, maʼlumotlar almashinuvi esa real vaqt rejimida amalga oshiriladi.