O'zbekistonlik kurashchi Zagrebdagi xalqaro turnirda oltin medalni qo'lga kiritdi

Toshkent, O‘zbekiston (UzDaily.uz) — Shu kunlarda Xorvatiya poytaxtida yunon-rum kurashi boʻyicha Zagreb Open xalqaro turniri boʻlib oʻtmoqda.

Unda qatnashayotgan Oʻzbekiston terma jamoasi musobaqaning birinchi kunida oltin medalga sazovor boʻldi.

Ushbu medalni iqtidorli polvonimiz Aytjan Xalmaxanov keltirdi. -67 kg vazn toifasida kurashgan polvonimiz barcha raqiblarini magʻlub etib, “klassik” kurashchilarimizning joriy yildagi ilk medaliga mualliflik qildi.