Toshkent, O‘zbekiston (UzDaily.uz) — 2025 yilning birinchi yarim yilligida O‘zbekistonda banan importi keskin oshdi.

Milliy statistika qo‘mitasining dastlabki maʼlumotlariga ko‘ra, joriy yilning yanvar–iyun oylarida mamlakatga 95,3 ming tonna banan olib kirildi. Importning umumiy qiymati 28 million AQSH dollarini tashkil etdi.

2024 yilning shu davriga nisbatan import 4,5 ming tonnaga ko‘paygan.

Hisobot davrida banan yetkazib berish bo‘yicha asosiy hamkor davlat Ekvador bo‘ldi — ushbu mamlakatdan 94 ming tonna mahsulot olib kirildi.

Ikkinchi o‘rinda Xitoy — 539 tonna, undan keyin Qirg‘iziston — 295 tonna va Hindiston — 224 tonna. Boshqa davlatlardan jami 205 tonna banan import qilingan.