O‘zbekistondan meva-sabzavot eksporti 2025 yil yanvar–noyabr oylarida 1,9 mlrd dollarga yetdi

Toshkent, O‘zbekiston (UzDaily.uz) — Milliy statistika qo‘mitasi maʼlumotlariga ko‘ra, 2025 yilning yanvar–noyabr oylarida O‘zbekiston 2 million tonna meva va sabzavot mahsulotlarini 1,9 mlrd AQSH dollari qiymatida eksport qildi.

Eksport hajmi o‘tgan yilning shu davriga nisbatan 36,8 foizga oshdi, ushbu mahsulotlarning mamlakat umumiy eksportidagi ulushi esa 6,3 foizni tashkil etdi.

Eksport tarkibiga 580,9 ming tonna meva va rezavorlar, 553 ming tonna sabzavotlar, 232,9 ming tonna tarvuz va qovun, 25,8 ming tonna yeryong‘oq va yong‘oqlar, 129,6 ming tonna mosh, shuningdek 500 ming tonna boshqa qishloq xo‘jaligi mahsulotlari kirdi.