O‘zbekistonda “yashil” energiya ishlab chiqarish 9,7%ga oshdi

Toshkent, O‘zbekiston (UzDaily.uz) — 2026 yil mart oyida O‘zbekistondagi quyosh va shamol elektr stansiyalari jami 911,7 mln kVt⋅soat elektr energiyasi ishlab chiqardi.

O‘tgan yilning shu davriga nisbatan ushbu ko‘rsatkich 92,1 mln kVt⋅soatga oshdi, bu esa 9,7 foizlik o‘sishni tashkil etdi.

Ishlab chiqarishning asosiy qismi quyosh elektr stansiyalari hissasiga to‘g‘ri kelib, ular 569,4 mln kVt⋅soat energiya ishlab chiqardi, shamol elektr stansiyalari esa 342,3 mln kVt⋅soat elektr energiyasi ishlab chiqardi.

“Yashil” energiya ishlab chiqarish hajmining oshishi tabiiy gaz isteʼmolini 243 mln kub metrga kamaytirish imkonini berdi, shuningdek, atmosferaga 524 ming tonna zararli moddalar chiqarilishining oldi olindi.

Taqqoslash uchun, 2025 yil mart oyida quyosh va shamol elektr stansiyalarining umumiy ishlab chiqarish hajmi 830,8 mln kVt⋅soatni tashkil etgan edi.