Toshkent, O‘zbekiston (UzDaily.uz) — Milliy statistika qo‘mitasi maʼlumotlariga ko‘ra, 2025 yil 1 iyul holatiga ko‘ra O‘zbekistonda xorijiy investitsiya ishtirokidagi 16 685 ta korxona ro‘yxatdan o‘tgan.

Ulardan 4 124 tasi qo‘shma korxona, 12 561 tasi esa to‘liq xorijiy kapital ishtirokida faoliyat yuritmoqda.

O‘tgan yilning shu davriga nisbatan bunday korxonalar soni 20,2 foizga oshgan. Bu esa xorijiy investorlarning O‘zbekiston bozoriga bo‘lgan barqaror qiziqishini ko‘rsatadi.

Eng ko‘p xorijiy kapitalga ega korxonalar Xitoy (4 192 ta) ulushiga to‘g‘ri kelmoqda. Undan keyingi o‘rinlarda Rossiya (3 098 ta), Turkiya (2 007 ta), Qozog‘iston (1 157 ta), Janubiy Koreya (687 ta), Afg‘oniston (680 ta), Birlashgan Arab Amirliklari (374 ta), Hindiston (333 ta) va AQSH (321 ta) joylashgan.