O‘zbekistonda turizm o‘smoqda: mamlakatga 1,4 million xorijlik tashrif buyurdi

Toshkent, O‘zbekiston (UzDaily.uz) — 2025 yilning yanvar-sentyabr oylari davomida O‘zbekistonga 1,4 millionga yaqin xorijiy fuqaro turistik maqsadlarda tashrif buyurgan, deb xabar bermoqda Milliy statistika qo‘mitasi.

Bu o‘tgan yilning shu davriga nisbatan 506 ming kishiga ko‘p bo‘lib, turistik oqimning sezilarli darajada tiklanishi va o‘sishini ko‘rsatmoqda.

Tashriflar soniga ko‘ra qo‘shni mamlakatlar yetakchilik qilmoqda: Rossiyadan 269,2 ming kishi, Turkmanistondan 193,6 ming kishi, Qozog‘istondan 143,9 ming kishi kelgan. Xitoydan — 117,9 ming, Qirg‘izistondan — 114 ming, Tojikistondan — 84,7 ming turist kelgan.

Uzoq xorij mamlakatlari orasidan eng ko‘p tashrif buyurganlar Turkiyadan (50,9 ming kishi), Italiyadan (32,6 ming), Hindistondan (32,3 ming), Germaniyadan (29,6 ming), Janubiy Koreyadan (26,8 ming) va AQSHdan (23,6 ming) bo‘lgan.

Qolgan mamlakatlar hissasiga 255,9 mingta tashrif to‘g‘ri kelgan.