O‘zbekistonda to‘qqiz oy ichida 296 mingdan ortiq avtomobil sotildi — UzAuto Motors ulushi 80 foizdan oshdi

Toshkent, O‘zbekiston (UzDaily.uz) — 2025 yilning yanvar–sentyabr oylarida O‘zbekistonda jami 296 331 ta avtomobil sotildi, deb xabar berdi “O‘zavtosanoat” kompaniyasi.

Bozordagi yetakchilikni UzAuto Motors saqlab qolmoqda — kompaniya 141 304 ta mashina sotgan bo‘lib, bu umumiy sotuv hajmining 47,7 foizini tashkil etadi. Uning sho‘ba korxonasi Khorezm Auto ikkinchi o‘rinni egallab, 103 837 ta avtomobil sotgan (35 foiz). Shu tariqa, UzAuto Motors guruhining ichki bozordagi umumiy ulushi 82,7 foizga yetdi.

Uchinchi o‘rinni ADM Jizzakh egallab, 32 987 ta yoki umumiy sotuvlarning 11,1 foiziga teng miqdorda avtomobil sotgan.

Bozorning qolgan ishtirokchilari orasida BYD Uzbekistan Factory ajralib turAdi — uning sotuv hajmi 16 846 ta avtomobilni (5,7 foiz) tashkil etgan. Keyingi o‘rinlarda Asaka Motors — 937 ta (0,3 foiz), SamAuto — 341 ta (0,13 foiz) va Alyans Auto — 79 ta (0,03 foiz) avtomobil bilan qayd etilgan.

Brendlar kesimida eng katta ulushga ega bo‘lgani Chevrolet bo‘lib, u 245 141 ta avtomobil sotgan. Ikkinchi o‘rinda — KIA (18 863 ta), undan keyin BYD (16 846 ta), Chery (8 090 ta), Haval (6 034 ta), Hyundai (758 ta), Isuzu D-Max (341 ta) va Wuling (105 ta) joylashgan.

Modellar orasida anʼanaviy ravishda eng talabgorlari Chevrolet Cobalt (95 362), Chevrolet Damas (78 712) va Chevrolet Tracker (27 921) bo‘lgan.

Eng ommabop o‘nta model qatoriga shuningdek Chevrolet Labo (25 129), Chevrolet Onix (16 287), KIA Sonet (13 633), BYD Song Plus Champion DMI (4 933), BYD Yuan Up (4 271), BYD Chazor (3 520) va Haval M6 (3 204) ham kirgan.