O‘zbekistonda taqiqlovchi belgilar qo‘yilgan hududlarda to‘xtashga ruxsat berildi

Toshkent, O‘zbekiston (UzDaily.uz) — Davlat yo‘l harakati xavfsizligi xizmati yo‘l harakati qoidalariga o‘zgarishlar kiritilganini maʼlum qildi.

Endilikda «To‘xtash taqiqlanadi» belgilari amal qiladigan hududlarda transport vositalarini to‘xtatishga ruxsat etildi.

Shu bilan birga, muayyan hududning xususiyatlarini inobatga olgan holda, mazkur belgilar bilan birgalikda ularning amal qilish vaqti ko‘rsatilgan qo‘shimcha axborot belgilari o‘rnatiladi.

Yangi tartib haydovchilar uchun qoidalarni soddalashtirish, shu bilan birga yo‘llarda harakat xavfsizligini saqlashni maqsad qiladi.