Toshkent, O‘zbekiston (UzDaily.uz) — O‘zbekiston Respublikasi Davlat aktivlarini boshqarish agentligi “Sharg‘unko‘mir” AJ va “Boysunko‘mir” MCHJni xususiylashtirish bo‘yicha konsalting xizmatlari ko‘rsatadigan malakali kompaniyani tanlab olish uchun tanlov eʼlon qildi.

Bu tashabbus 2025 yil 21 apreldagi Prezidentning PQ-145-sonli qarori asosida amalga oshirilmoqda va mamlakatdagi kon kazib olish sohasini isloh qilish va liberallashtirish dasturi doirasidagi muhim qadam hisoblanadi.

Tanlov shartlariga ko‘ra:

Maslahatchi kompaniya xususiylashtirish strategiyasini ishlab chiqishi, sohaning va har bir korxonaning o‘ziga xos xususiyatlarini inobatga olgan holda samarali va oshkora sotuv jarayonini tashkil etishi lozim.

Privatizatsiyaga quyidagi ulushlar chiqarilgan:

99,93% “Sharg‘unko‘mir” AJ aksiyalari;

100% “Boysunko‘mir” MCHJ ustav kapitalidagi ulush.

Konsultant institutsional investorlarning qiziqishini baholaydi, shuningdek yengillashtirilgan va xalqaro tajribaga mos usullar asosida xususiylashtirish modelini belgilaydi.

Loyiha doirasida kerak bo‘lsa, korxonalarda ishchi guruhlar tashkil etilishi mumkin. Konsalting xizmati mahalliy va xalqaro mutaxassislar bilan yaqin hamkorlikda amalga oshiriladi.

Arizalar 2025 yil 25 iyunga qadar (Toshkent vaqti bilan 18:00gacha) qabul qilinadi.

Konsorsium shaklida ham ariza berish mumkin, ammo bunda asosiy koordinator-kompaniya aniq belgilanishi shart, u loyihaning umumiy yuritilishi uchun masʼul bo‘ladi.