O‘zbekistonda Shaharsozlik va uy-joy bozori bo‘yicha Milliy qo‘mita raisi o‘rinbosarlari tayinlandi

Toshkent, O‘zbekiston (UzDaily.uz) — O‘zbekiston Respublikasi Prezidenti Shavkat Mirziyoyev Shaharsozlik va uy-joy bozorini barqaror rivojlantirish bo‘yicha Milliy qo‘mita raisi o‘rinbosarlarini tayinlash to‘g‘risida qarorlarni imzoladi.

Hujjatlarga ko‘ra, Orifjon Olimovich Fayziyev Urbanizatsiya va uy-joy bozorini barqaror rivojlantirish milliy qo‘mitasi raisining birinchi o‘rinbosari etib tayinlandi. Bunga qadar u Istiqbolli loyihalar milliy agentligi direktorining o‘rinbosari lavozimida ishlagan.

Nozimbek Mansurbekovich Rustambekov Urbanizatsiya va uy-joy bozorini barqaror rivojlantirish milliy  qo‘mitasi raisining o‘rinbosari etib tayinlandi. Bunga qadar u Adliya vazirligida Huquqni qo‘llash departamenti rahbari lavozimida ishlagan.

Eslatib o‘tamiz, 2025 yil 20 noyabrda O‘zbekiston Prezidenti Shaharsozlik va uy-joy bozorini barqaror rivojlantirish bo‘yicha Milliy qo‘mitaning faoliyatini tashkil etishga qaratilgan qarorni imzolagan edi.

Hujjatning asosiy maqsadi davlat boshqaruvi samaradorligini oshirish, qo‘mitaning tizimli faoliyatini taʼminlash hamda davlat organlari va xalqaro hamkorlar bilan o‘zaro aloqalarni mustahkamlashdan iborat.

Bundan avval Prezident qarori bilan Sherzod Kudbiyev Shaharsozlik va uy-joy bozorini barqaror rivojlantirish bo‘yicha Milliy qo‘mita raisi etib tayinlangan edi. Shu bois u O‘zbekiston Respublikasi Soliq qo‘mitasi raisi lavozimidan ozod qilindi.