O‘zbekistonda qizamiqqa qarshi ommaviy immunizatsiya haftaligi o‘tkazilmoqda

Toshkent, O‘zbekiston (UzDaily.uz) — 2 fevraldan 14 fevralgacha mamlakat bo‘ylab «Qizamiqqa qarshi ommaviy immunizatsiya haftaligi» o‘tkazilmoqda, deb xabar qildi Sanitariya-epidemiologiya qo‘mitasining axborot xizmati.

Mazkur kompaniya kasallik tarqalish xavfini kamaytirish va aholini profilaktik emlash bilan qamrab olishni kengaytirishga qaratilgan.

Haftalik doirasida asosiy eʼtibor olti oydan bir yoshgacha bo‘lgan bolalar, shuningdek, avval emlanmagan yoki faqat bir marta emlangan bir yoshdan yetti yoshgacha bo‘lgan bolalarni emlashga qaratilgan. Bundan tashqari, 30 yoshgacha bo‘lgan shaxslarni ham immunizatsiya qilish nazarda tutilgan.

Kompaniya davrida chaqaloqlar majburiy tibbiy ko‘rikdan o‘tkaziladi, shundan so‘ng sog‘lom bolalarga qizamiqqa qarshi emlanadi.

Shu bilan bir vaqtda bolalar yosh toifalari bo‘yicha ro‘yxatga olinadi va amalga oshirilgan emlashlar haqidagi maʼlumotlar profilaktik emlash kartalariga kiritiladi.

Sanitariya-epidemiologiya qo‘mitasida ota-onalarni bolalarni o‘z vaqtida emlashga chaqirib, vaksinatsiya sog‘liqni muhofaza qilish va yuqumli kasalliklarning oldini olishdagi eng muhim omillardan biri ekani taʼkidlandi.