O‘zbekistonda qayta tiklanuvchi energiya manbalari elektr energiyasining 23 foizini taʼminlamoqda

Toshkent, O‘zbekiston (UzDaily.uz) — 2025 yil boshidan buyon O‘zbekistonda quyosh va shamol elektrostansiyalari 9 milliard kVt·soat elektr energiyasi ishlab chiqardi.

Gidroelektrostansiyalar ishini ham hisobga olganda, “yashil” energiyaning umumiy hajmi 14,5 milliard kVt·soatga yetdi. Shu tariqa, mamlakatdagi umumiy elektr energiyasi ishlab chiqarishning deyarli to‘rtdan bir qismi — 23 foizi — qayta tiklanuvchi energiya manbalari hissasiga to‘g‘ri kelmoqda.

Energetika vazirligi maʼlumotlariga ko‘ra, 22 oktyabr soat 19:00 holatiga ko‘ra, yil boshidan buyon quyosh va shamol elektrostansiyalari tomonidan ishlab chiqarilgan elektr energiyasi hajmi 9 milliard kVt·soatni tashkil etgan.

Hozirgi kunda O‘zbekistonda jami quvvati 4 682 megavatt bo‘lgan 12 ta quyosh fotoelektr stansiyasi va 5 ta shamol elektrostansiyasi faoliyat ko‘rsatmoqda.