O‘zbekistonda kungaboqar yog‘i importi deyarli ikki barobarga oshdi

Toshkent, O‘zbekiston (UzDaily.uz) — Milliy statistika qo‘mitasining dastlabki maʼlumotlariga ko‘ra, 2025 yil yanvar–avgust oylarida O‘zbekistonga 163,4 ming tonna kungaboqar yog‘i import qilingan bo‘lib, uning umumiy qiymati 163,1 million AQSH dollarini tashkil etdi. Import uchta mamlakatdan amalga oshirilgan.

Sakkiz oy davomida kungaboqar yog‘i importi hajmi o‘tgan yilning shu davriga nisbatan qariyb ikki barobarga — 79,4 ming tonnaga ko‘paygan.

O‘zbekistonga kungaboqar yog‘ini yetkazib beruvchi asosiy davlat bo‘lib Qozog‘iston qolmoqda — jami 163,3 ming tonna mana shu mamlakat hissasiga to‘g‘ri kelgan. Rossiyadan 111,6 tonna va Gruziyadan 0,1 tonna mahsulot olib kirilgan.