O‘zbekistonda kichik atom elektr stansiyasi qurilishi 2026 yil iyul oyida boshlanadi

Toshkent, O‘zbekiston (UzDaily.uz) — O‘zbekistonda kichik quvvatli atom elektr stansiyasi qurilishini 2026 yil iyul oyida boshlash rejalashtirilgan.

Bu haqda “Rosatom” tarkibiga kiruvchi “Atomstroyeksport” kompaniyasining O‘zbekistondagi AES qurilishi bo‘yicha loyiha direktori Pavel Bezrukov «O‘zbekiston 24» telekanaliga bergan intervyusida maʼlum qildi.

Bezrukovning so‘zlariga ko‘ra, loyihaning amalga oshirilishi atom energetikasini mamlakat uchun tizim yaratuvchi tarmoqqa aylantiradi. Dasturda malakali mutaxassislarni tayyorlash, mahalliy ishlab chiqarish sohasini rivojlantirish, texno va energiya parklarini barpo etish, shuningdek, O‘zbekiston uchun arzon va barqaror elektr taʼminotini taʼminlash ko‘zda tutilgan.

Uning taʼkidlashicha, bu loyiha nafaqat ichki bozorga, balki qo‘shni mamlakatlar energetika tizimlariga ham taʼsir ko‘rsatadi. «O‘zbekiston gaz va boshqa energiya resurslarining oddiy isteʼmolchisidan elektr energiyasi bilan ishonchli taʼminlangan generator mamlakatga aylanmoqda», — dedi “Rosatom” vakili.

Uning maʼlum qilishicha, 2026 yil iyul oyidan boshlab Jizzax viloyatining Farish tumanida kichik AES qurilishining asosiy bosqichi boshlanadi.

Loyiha nafaqat qurilishni, balki stansiyaning keyingi faoliyatini ham o‘z ichiga oladi va mamlakatning yangi energetik taraqqiyot bosqichiga asos yaratadi.