Toshkent, O‘zbekiston (UzDaily.uz) — 2024 yilda O‘zbekistonda kauchuk va plastmassa mahsulotlari ishlab chiqarish hajmi 17,8 trillion so‘mni tashkil etdi. Bu haqda Statistika agentligi xabar berdi.

Ushbu ko‘rsatkich so‘nggi yillarda barqaror o‘sishni namoyon etmoqda. 2020 yilda ishlab chiqarish hajmi 7 trln so‘mni tashkil etgan bo‘lsa, 2021 yilda 8,5 trln so‘mga, 2022 yilda 9,3 trln so‘mga, 2023 yilda esa 11,1 trln so‘mga yetgan.

2024 yilda esa sezilarli o‘sish kuzatilmoqda, bu esa sohaning jadal rivojlanayotganidan dalolat beradi.