O'zbekistonda kasb-hunar ta'limi markazlari xodimlari uchun Yevropa Ittifoqi tomonidan qo'llab-quvvatlanadigan uch kunlik almashinuv dasturi boshlandi

Toshkent, O‘zbekiston (UzDaily.uz) — 2026-yil 2-fevral kuni Yevropa Ittifoqi tomonidan moliyalashtirilayotgan DARYA loyihasi doirasida (Markaziy Osiyodagi bilimli yoshlar uchun muloqot va harakatlar)  Yevropa Ta’lim Jamg‘armasi (ETF), O‘zbekiston Respublikasi Oliy ta’lim, fan va innovatsiyalar vazirligi hamda Kasbiy ta’lim agentligi bilan hamkorlikda O‘zbekistondagi hududiy Kasbiy mahorat markazlari uchun 3 kunlik intensiv trening va o‘zaro tajriba almashish dasturini boshladi.

Ochilish marosimida Yevropa Ittifoqining O‘zbekistondagi Delegatsiyasi Hamkorlik bo‘limi rahbari Xristos Marazopulos o‘z nutqida shunday ta’kidladi: “Kasbiy mahorat Yevropa Ittifoqida kasbiy ta’lim va tayyorlov tizimlarini rivojlantirishning muhim harakatlantiruvchi omili hisoblanadi.

Aynan shu yo‘nalishda biz O‘zbekistonda ham ishlamoqdamiz, chunki u mamlakatda olib borilayotgan kasbiy ta’lim islohotlarining muhim tarkibiy qismidir.” 

Mazkur treningda O‘zbekistonning turli hududlaridan 14 ta Kasbiy mahorat bo‘yicha mintaqaviy markaz ishtirok etmoqda. Dastur doirasida markazlar xodimlari, markazlar bilan yaqin hamkorlik qilayotgan ish beruvchilar hamda hududiy ta’lim boshqarmalari vakillari birgalikda ishtirok etmoqda. 

Ushbu tashabbus Yevropa Ittifoqining Global Darvoza tashabbusi yondashuvini yaqqol namoyon etib, inson kapitaliga, kasbiy ko‘nikmalarni rivojlantirishga va sifatli ta’limga sarmoya kiritish orqali O‘zbekistonda inklyuziv o‘sish, kuchli hududiy iqtisodiyotlar va barqaror taraqqiyotni qo‘llab-quvvatlashga xizmat qiladi.