O‘zbekistonda har 1 km² maydonga 84,8 nafar aholi to‘g‘ri keladi

Toshkent, O‘zbekiston (UzDaily.uz) — 2025 yil 1 oktyabr holatiga ko‘ra, O‘zbekistonda aholi zichligi o‘rtacha har bir kvadrat kilometrga 84,8 nafar kishini tashkil etdi. Bu haqda Milliy statistika qo‘mitasi maʼlum qildi.

Bu ko‘rsatkich o‘tgan yilning mos davriga nisbatan 1,6 kishiga ortgan.

Qiyoslash uchun: 2021 yilda har 1 km² maydonga 78,1 nafar, 2022 yilda — 79,8 nafar, 2023 yilda — 81,5 nafar, 2024 yilda esa — 83,2 nafar aholi to‘g‘ri kelgan.

Maʼlumotlar mamlakatda aholi zichligining barqaror o‘sishini ko‘rsatmoqda.