Toshkent, O‘zbekiston (UzDaily.uz) — 2025 yilning yanvardan maygacha bo‘lgan davrda O‘zbekistonda tabiiy gaz qazib olish hajmi 2,9% ga kamaydi. Bu haqda Milliy statistika qo‘mitasi maʼlum qildi. Umumiy qazib olish hajmi 18,37 milliard kub metrni tashkil etdi.

Shuningdek, neft qazib olish hajmi ham pasaydi — joriy yilning besh oyi davomida mamlakat korxonalari 270,8 ming tonna neft ishlab chiqardi, bu 2024 yilning shu davriga nisbatan 11,2% kamdir.

Shu bilan birga, ko‘mir ishlab chiqarish hajmi sezilarli darajada oshdi — 2,37 million tonnani tashkil etdi, bu o‘tgan yilgi ko‘rsatkichdan 24,6% ga ko‘pdir.

Avtomobil benzini ishlab chiqarish hajmi 488,2 ming tonnani tashkil etib, 2024 yilning shu davriga nisbatan 14,3% ga kamaydi. Benzinga qaraganda, dizel yoqilg‘isi ishlab chiqarish o‘sgan — 441,4 ming tonna dizel yoqilg‘isi ishlab chiqarildi, bu esa o‘tgan yilga nisbatan 13,3% ga ko‘pdir.