O‘zbekistonda elektr energiyasi ishlab chiqarish 7%ga oshdi

Toshkent, O‘zbekiston (UzDaily.uz) — 2026 yil yanvar–mart oylarida O‘zbekiston elektr energiyasi ishlab chiqarish hajmini o‘tgan yilning shu davriga nisbatan 7 foizga oshirdi. Bu haqda Energetika vazirligining jamoatchilik bilan aloqalar bo‘limi boshlig‘i Dildora Xashimova maʼlum qildi.

Uning so‘zlariga ko‘ra, joriy yilning dastlabki uch oyida mamlakatda 23 milliard 317 million kVt⋅soat elektr energiyasi ishlab chiqarilgan. Bu ko‘rsatkich 2025 yil yanvar–mart oylariga nisbatan 1 milliard 471 million kVt⋅soatga ko‘pdir.

Respublika isteʼmolchilariga 20 milliard 163 million kVt⋅soat elektr energiyasi yetkazib berilgan bo‘lib, bu o‘tgan yil ko‘rsatkichidan 262 million kVt⋅soatga yoki 1 foizga yuqori.

Energetika vazirligida taʼkidlanishicha, ishlab chiqarish hajmining o‘sishi amaldagi quvvatlarni modernizatsiya qilish va yangi generatsiya obyektlarini ishga tushirish hisobiga taʼminlangan.

Aholi va iqtisodiyot tarmoqlarini barqaror energiya taʼminoti bilan taʼminlash bo‘yicha ishlar davom ettirilmoqda.