Toshkent, O‘zbekiston (UzDaily.uz) — 2025 yilning yanvar–mart oylarida O‘zbekistonda asosiy kapitalga kiritilgan investitsiyalar hajmi 120,4 trln. so‘mni tashkil etdi. Bu haqda Milliy statistika qo‘mitasining dastlabki maʼlumotlarida qayd etilgan.

Bu ko‘rsatkich 2024 yilning shu davriga nisbatan 15,9 trln. so‘mga yoki 7,9 % ga ko‘pdir.

2025 yilning dastlabki uch oyida o‘zlashtirilgan chet el investitsiyalari va kreditlari umumiy hajmi $8,7 milliardni tashkil qildi.

Ushbu mablag‘ning $6,6 milliard qismi, yaʼni 85,4 trln. so‘mi, yangi asosiy fondlarni yaratishga — yaʼni asosiy kapitalga yo‘naltirildi.