O‘zbekistonda 9 oyda 177 mingta nikoh qayd etildi

Toshkent, O‘zbekiston (UzDaily.uz) — Milliy statistika qoʻmitasi maʼlumotlariga koʻra, O‘zbekistonda 2025-yilning yanvar-sentabr oylarida FHDYO organlarida 177 mingta nikoh qayd etilgan.

Ulardan 91 200 tasi shaharlarda, 85 800 tasi qishloq joylarda qayd etilgan.

Mamlakatda nikohlar soni asta-sekin kamayib bormoqda.

Taqqoslash uchun, 2021-yilning shu davrida 206 800 ta, 2022-yilda 197 000 ta, 2023-yilda 184 500 ta va 2024-yilda 179 400 ta nikoh qayd etilgan.