Toshkent, O‘zbekiston (UzDaily.uz) — O‘zbekistonda 2025 yil yanvar–iyul oylarida 212 156 dona yengil avtomobil ishlab chiqarildi. Bu 2024 yilning shu davriga nisbatan 3,54 foizga ko‘p, deya xabar qildi Milliy statistika qo‘mitasi.

Jumladan, 83 167 dona Cobalt ishlab chiqarilgan bo‘lib, bu o‘tgan yilning shu davriga nisbatan 1,9 foizga kam. UzAuto Motors tomonidan, 51 587 dona Damas (5,5 foiz o‘sish), 26 385 dona Tracker (12,9 foiz o‘sish) va 18 734 dona Onix (2,7 foiz o‘sish) ishlab chiqarildi.

Shuningdek, mamlakat korxonalari 4 838 dona Chery (0,6 foiz kamayish), 14 419 dona KIA (27,6 foiz o‘sish), 4 425 dona Haval (7 foiz o‘sish) va 8 601 dona BYD avtomobillari ishlab chiqardi.

Bundan tashqari, hisobot davrida O‘zbekistonda 28 951 dona yengil maxsus avtomobil ishlab chiqarildi. Bu ko‘rsatkich o‘tgan yilning shu davriga nisbatan 88,8 foizga yuqori.