O‘zbekistonda 25 yilda aviatsiyada yo‘lovchi oqimi 6,5 barobar oshdi

Toshkent, O‘zbekiston (UzDaily.uz) — O‘zbekiston Milliy statistika qo‘mitasi maʼlumotlariga ko‘ra, 2025 yilda mamlakat havo transporti orqali taxminan 9,7 mln. yo‘lovchi tashilgan.

Bu ko‘rsatkich 2000 yildagidan qariyb 6,5 barobar yuqori bo‘lib, o‘sha yili havo transportidan 1,5 mln. kishi foydalangan edi.

So‘nggi 25 yilda mamlakatda yo‘lovchi oqimi nobarqaror o‘sishni ko‘rsatgan. 2000–2009 yillarda yo‘lovchilar soni 0,8 mln.dan 1,5 mln.gacha o‘zgarib turgan, 2010 yildan boshlab esa bosqichma-bosqich 2019 yilgacha 3,2 mln. yo‘lovchini tashkil etgan.

2020 yilda COVID-19 pandemiyasi oqibatida yo‘lovchi tashuvlari keskin pasayib, 0,9 mln. kishiga tushgan, so‘ngra esa soha tezkor tiklanishni boshlagan.

2021 yilda yo‘lovchi oqimi 3,0 mln., 2022 yilda 4,1 mln., 2023 yilda 5,3 mln., 2024 yilda esa 6,8 mln. kishini tashkil etdi.