Toshkent, O‘zbekiston (UzDaily.uz) — Milliy statistika qo‘mitasi maʼlumotiga ko‘ra, 2024/2025 o‘quv yili boshiga (filiallarini ham hisobga olgan holda) O‘zbekistonda 222 ta oliy taʼlim muassasasi faoliyat yuritmoqda.

Bu ko‘rsatkich 2015/2016 o‘quv yili bilan taqqoslaganda sezilarli o‘sishni ko‘rsatmoqda — o‘shanda oliy o‘quv yurtlari soni bor-yo‘g‘i 69 tani tashkil etgan.

Shu tariqa, so‘nggi o‘n yil ichida oliy taʼlim muassasalari soni 153 taga ko‘paydi va 3,2 barobarga oshdi.

Yillar kesimidagi o‘sish dinamikasi quyidagicha 2015/2016 — 69 ta, 2016/2017 — 70 ta, 2017/2018 — 72 ta, 2018/2019 — 98 ta, 2019/2020 — 119 ta, 2020/2021 — 127 ta, 2021/2022 — 154 ta, 2022/2023 — 191 ta, 2023/2024 — 219 ta, 2024/2025 — 222 ta.