O‘zbekiston yoshlar terma jamoasi U-23 Osiyo chempionatini g‘alaba bilan boshladi

Toshkent, O‘zbekiston (UzDaily.uz) — O‘zbekistonning 21 yoshgacha bo‘lgan yoshlar terma jamoasi Saudiya Arabistonida bo‘lib o‘tayotgan 23 yoshgacha futbolchilar o‘rtasidagi Osiyo chempionatini “C” guruhi start uchrashuvida g‘alaba bilan boshladi.

Livan jamoasiga qarshi o‘yin 3:2 hisobida O‘zbekiston terma jamoasi foydasiga yakunlandi. Birinchi gol 24-daqiqada Amirbek Saidov tomonidan kiritildi.

Ikkinchi bo‘limda, 50-daqiqada Ravshan Xayrullayev O‘zbekiston terma jamoasining ustunligini ikki baravarga ko‘tardi, va yetti daqiqa o‘tgach Sardor Baxromov raqib darvozasiga uchinchi golni kiritdi.

65-daqiqada Livan terma jamoasi Shaxin Leonardo Farahning aniq zarbasi orqali hisobni kamaytirdi. Shaxin Leonardo Farah 90+5 daqiqada dubl muvaffaqiyatini qayd etdi.

“C” guruhining boshqa uchrashuvida Eron va Janubiy Koreya jamoalari 0:0 hisobi bilan durang o‘ynashdi.

O‘zbekiston terma jamoasining navbatdagi o‘yinlari 10 yanvar kuni Eronga va 13 yanvar kuni Janubiy Koreya jamoasiga qarshi rejalashtirilgan.