O‘zbekiston yetti oyda 317 mingdan ortiq muzlatgich va sovutgich import qildi

Toshkent, O‘zbekiston (UzDaily.uz) — Statistika qo‘mitasining dastlabki maʼlumotlarga ko‘ra, 2025 yil yanvar–iyul oylari davomida O‘zbekistonga dunyodagi 26 davlatdan 317,1 mingta muzlatgich va sovutgich olib kirilgan bo‘lib, umumiy qiymati 65,6 million AQSH dollarini tashkil etdi.

Importning eng katta ulushi Xitoy hissasiga to‘g‘ri keldi — 205,8 mingta. Keyingi o‘rinlarda Rossiya — 49,2 mingta, Turkiya — 28,8 mingta, Ukraina — 12,2 mingta va Qozog‘iston — 11,3 mingta muzlatgich va sovutgich bilan qayd etildi.

Taylanddan 4,3 mingta, Indoneziyadan 1,7 mingta va Belarusdan 1,5 mingta uskuna yetkazib berilgan. Qolgan mamlakatlar jami 2,3 mingta sovutgich va muzlatgich taqdim etgan.