Toshkent, O‘zbekiston (UzDaily.uz) — 2025-yilning 29-aprel kuni Investitsiyalar, sanoat va savdo vaziri Laziz Kudratov Xanti-Mansiysk avtonom okrugi gubernatori – Yugra Ruslan Kuxarukni qabul qildi.

Muzokaralar davomida mashinasozlik, metallga ishlov berish va raqamli texnologiyalar sohalarida hamkorlikni rivojlantirishning istiqbolli yo‘nalishlari ko‘rib chiqildi.

Oʻzaro tovar ayirboshlash hajmini oshirish, qoʻshma sarmoyaviy loyihalarni amalga oshirish, sanoat kooperatsiyasini yoʻlga qoʻyish boʻyicha takliflar bildirildi.

Shuningdek, sanoat uchun mutaxassislar tayyorlash bo‘yicha qo‘shma dasturlar joriy qilish rejalari ham muhokama qilindi.