Toshkent, O‘zbekiston (UzDaily.uz) — “O‘zeltexsanoat” uyushmasi tomonidan O‘zbekistonning Rossiyadagi Elchixonasi va Savdo vakolatxonasi ko‘magida tashkil etilgan xizmat safari doirasida Rossiyaning “Vostok Distribyutsiya” kompaniyasi bilan uchrashuv bo‘lib o‘tdi.

Muzokaralarda O‘zbekistonda ishlab chiqarilayotgan mahsulotlarni Rossiya bozoriga yetkazib berish, eksport hajmlarini bosqichma-bosqich oshirish va istiqbolli hamkorlik yo‘nalishlarini belgilab olish masalalari muhokama qilindi.

Tomonlar o‘zaro manfaatli hamkorlikni yo‘lga qo‘yishga tayyor ekanliklarini bildirar ekan, bu tashrif ikki tomonlama savdo-iqtisodiy aloqalarni yanada mustahkamlash uchun muhim imkoniyat bo‘lib xizmat qilishi ta’kidlandi.