Toshkent, O‘zbekiston (UzDaily.uz) — O‘zbekiston Singapur bilan yarimo‘tkazgich sanoati sohasida hamkorlik bo‘yicha yangi memorandum imzoladi.

“O‘zeltexsanoat” uyushmasi Singapurning A*STAR agentligi tarkibiga kiruvchi Mikroelektronika instituti (IME) hamda Singapur yarimo‘tkazgichlar sanoati assotsiatsiyasi (SSIA) bilan o‘zaro anglashuv memorandumini imzoladi.

“O‘zeltexsanoatf”ning ta’kidlashicha, bu hamkorlik shunchaki rasmiy hujjat emas, balki O‘zbekiston uchun global texnologik maydonda yangi imkoniyatlar ochadigan strategik qadamdir. Dunyoning yetakchi yarimo‘tkazgich markazlaridan biri sifatida Singapur bilim, ilg‘or texnologiyalar va umumiy rivojlanish istiqbollarini birlashtirgan ishonchli hamkor hisoblanadi.

Bitim mutaxassislar tayyorlash va ularning malakasini oshirish dasturlarini amalga oshirish, qo‘shma ilmiy loyihalarni amalga oshirish, innovatsion texnologiyalarga yo‘naltirilgan o‘quv mashg‘ulotlari va o‘quv modullarini joriy etish, shuningdek, bilim, ilg‘or texnologik yechimlar va laboratoriya tadqiqotlari tajribasini almashishni nazarda tutadi.

Ushbu hamkorlik tufayli O‘zbekiston nafaqat ilg‘or texnologiyalarni import qilish, balki ularni o‘zlashtirish, takomillashtirish va yarimo‘tkazgichlar sohasida o‘zining eksport salohiyatini rivojlantirish imkoniyatiga ega.

“O‘zeltexsanoat” uyushmasi ushbu strategik yo‘nalishda zamonaviy infratuzilma, ilg‘or hamkorlik va inson kapitaliga tayangan holda O‘zbekistonni Markaziy Osiyoda yarimo‘tkazgichlar sanoati markaziga aylantirishni ko‘zlagan.