Toshkent, O‘zbekiston (UzDaily.uz) — O'zbekiston tashqi ishlar vazirining birinchi o'rinbosari Bahromjon A'loyev kecha Kuvayt tashqi ishlar vazirining Ko'rfaz arab davlatlari masalalari bo'yicha o'rinbosari Najib al-Badr bilan uchrashdi, deb xabar qilmoqda "Dunyo" AA muxbiri.

TIV ma'lumotiga ko'ra, muloqot chog'ida O'zbekiston va Kuvayt o'rtasidagi ikki va ko'p tomonlama aloqalarni yanada mustahkamlash, shuningdek, oliy darajada erishilgan kelishuvlarni ro'yobga chiqarish masalalari bo'yicha fikr almashildi.

Shuningdek, "Markaziy Osiyo – Ko'rfaz" strategik muloqoti doirasida rejalashtirilgan tadbirlarni yuqori darajada tashkil etish masalalari muhokama qilindi.