O‘zbekiston va Qozog‘iston Toshkentdagi biznes-forumda yangi sarmoyaviy va hamkorlik imkoniyatlarini muhokama qiladi

Toshkent, O‘zbekiston (UzDaily.uz) — Joriy yilning 20-oktabr kuni Toshkent shahrida «O‘zbekiston-Qozog‘iston» biznes forumi bo‘lib o‘tadi.

Mazkur biznes forumda ikki mamlakatning iqtisodiy salohiyati, investitsiya imkoniyatlari hamda o‘zaro hamkorlikni kengaytirishning ustuvor yo‘nalishlari atroflicha muhokama qilinadi.

Tadbir doirasida O‘zbekiston va Qozog‘istonning ishbilarmon doiralari o‘rtasida to‘g‘ridan-to‘g‘ri muloqotni ta’minlaydigan va amaliy hamkorlikning yangi yo‘nalishlarini o‘rganishga xizmat qiluvchi B2B va G2B formatidagi uchrashuvlar o‘tkazilishi rejalashtirilgan.

Mazkur anjuman ikki davlat tadbirkorlari o‘rtasida barqaror aloqalarni yo‘lga qo‘yish, tajriba almashish hamda o‘zaro manfaatli loyihalarni ilgari surishda muhim platforma bo‘lib xizmat qiladi.