O‘zbekiston va Qozog‘iston sanoat va qishloq xo‘jaligida ikki tomonlama hamkorlikni kengaytirish masalalarini muhokama qildi

Toshkent, O‘zbekiston (UzDaily.uz) — O‘zbekiston Respublikasi Investitsiyalar, sanoat va savdo vazirligida vazir o‘rinbosari Xurram Teshabayev Qozog‘iston Respublikasi Savdo va integratsiya vaziri o‘rinbosari Aydar Abildabekov bilan uchrashdi.

Muzokaralar davomida ikki tomonlama hamkorlikni kengaytirishning dolzarb masalalari muhokama qilindi.

Xususan, elektrotexnika va to‘qimachilik sanoati, mashinasozlik, infratuzilma qurilishi, farmatsevtika va agro-sanoat kompleksi sohalaridagi loyihalar ko‘rib chiqildi. Ta’kidlanganidek, joriy yilning yanvar-avgust oylarida ikki davlat o‘rtasidagi savdo aylanmasi 15% ga oshib, $3 mlrd.dan oshdi.

Tomonlar amaldagi kelishuvlarning, jumladan, ikki mamlakat o‘rtasidagi savdo hajmini 10 milliard dollargacha oshirish vazifalarining ijrosini muhokama qildilar.

Shuningdek, bo‘lajak Hukumatlararo komissiya yig‘ilishiga tayyorgarlik masalalariga alohida e’tibor qaratildi.