O‘zbekiston va Qozog‘iston chegarasidagi “Sirdaryo” posti orqali harakat tiklandi

Toshkent, O‘zbekiston (UzDaily.uz) — O‘zbekiston Bojxona qo‘mitasi O‘zbekiston va Qozog‘iston chegarasida joylashgan “Sirdaryo” chegara posti orqali harakat qayta tiklanganini maʼlum qildi.

Ushbu qaror Qozog‘iston tomonidagi “Atameken” bojxona postida qurilish ishlari yakunlanganidan so‘ng qabul qilindi. Ayni paytda Sirdaryo viloyatidagi “Sirdaryo” posti orqali yengil avtomobillar va fuqarolar harakati odatiy tartibda amalga oshirilmoqda.

Endilikda chegaradan o‘tish yana-da qulay va tezkor bo‘lib, fuqarolar uchun erkin harakatlanish imkoniyati yaratilgan. Shu bilan birga, bojxona organlari mazkur post orqali chegaradan o‘tishda belgilangan qoidalarga qatʼiy rioya qilishni tavsiya etmoqda.