O‘zbekiston va Ozarbayjon TIV rahbarlari strategik sheriklikni mustahkamlash masalasini muhokama qildilar

Toshkent, O‘zbekiston (UzDaily.uz) — O‘zbekiston tashqi ishlar vaziri Baxtiyor Saidov Ozarbayjon tashqi ishlar vaziri Jeyhun Bayramov bilan telefon orqali muloqot o‘tkazdi.

Suhbat chog‘ida tomonlar O‘zbekiston va Ozarbayjon o‘rtasidagi strategik sheriklik va ittifoqchilik munosabatlari jadal surʼatda rivojlanayotganini alohida taʼkidladilar. Qayd etilganidek, ikki mamlakat tashqi siyosiy idoralari davlat rahbarlari darajasida erishilgan kelishuvlarni to‘liq amalga oshirish uchun yaqin hamkorlikda ish olib bormoqda.

Tomonlar mintaqaviy va xalqaro ahamiyatga molik dolzarb masalalarga ham to‘xtalib, ularni hal etishdagi umumiy yondashuvlar yuzasidan fikr almashdilar.