O‘zbekiston va Ozarbayjon tashqi ishlar vazirlari strategik sheriklikni mustahkamlash masalalarini muhokama qilishdi

Toshkent, O‘zbekiston (UzDaily.uz) — 11-sentabr kuni O‘zbekiston tashqi ishlar vaziri Baxtiyor Saidov Ozarbayjon tashqi ishlar vaziri Jeyhun Bayramov bilan telefon orqali muloqot qildi.

Tomonlar ikki tomonlama sheriklikning bugungi holati va uni rivojlantirish istiqbollarini muhokama qildilar, mintaqaviy va global muammolar yuzasidan fikr almashdilar.

Faol siyosiy muloqotni davom ettirish, iqtisodiy hamkorlikni kengaytirish va qo‘shma loyihalarni amalga oshirishga alohida e’tibor qaratildi.

Ikkala tomon ham tarixiy an’analar va o‘zaro manfaatlarga asoslangan strategik aloqalar va ittifoqchilik munosabatlarini chuqurlashtirishga umumiy intilishlarini tasdiqladilar.