O‘zbekiston va Oksford o‘rtasida madaniy va akademik hamkorlik rivojlanmoqda

Toshkent, O‘zbekiston (UzDaily.uz) — Oksford shahrida Madaniyat va san’atni rivojlantirish jamg‘armasi raisi Gayane Umerova va Oksford Islom tadqiqotlari markazi direktori, doktor Farhan Ahmad Nizomiy uchrashuvi bo‘lib o‘tdi.

1985-yilda tashkil etilgan va hozirda Buyuk Britaniya qiroli Charlz III homiyligida faoliyat yuritayotgan ushbu markaz islom sivilizatsiyasini o‘rganishga ixtisoslashgan mamlakatdagi yetakchi ilmiy muassasalardan biridir.

Tomonlar Zahiriddin Muhammad Boburning 500 yilligiga bag‘ishlangan ko‘rgazmaga tayyorgarlik masalalari, shuningdek stipendiya dasturlari, mutaxassislar almashinuvi va qo‘shma tadqiqotlar yo‘nalishida hamkorlik imkoniyatlarini muhokama qildilar.

Uchrashuv madaniyatlararo muloqotni mustahkamlash va ilmiy hamkorlikni kengaytirish yo‘lidagi muhim qadam bo‘lib, u O‘zbekiston an’analari bilan jahon ilmiy hamjamiyatini yaqinlashtiruvchi yangi sahifani ochdi.