O‘zbekiston va Kipr o‘rtasida savdo, sarmoya va turizm sohalarida hamkorlikni kengaytirish masalalari muhokama qilindi

Toshkent, O‘zbekiston (UzDaily.uz) — 26-sentabr kuni O‘zbekiston tashqi ishlar vaziri Baxtiyor Saidov Kipr tashqi ishlar vaziri Konstantinos Kombos bilan uchrashdi.

Tomonlar ikki tomonlama munosabatlarni yanada mustahkamlash yuzasidan konstruktiv fikr almashdilar, siyosiy muloqot, savdo va sarmoya, ta’lim, turizm va boshqa sohalardagi hamkorlik imkoniyatlarini muhokama qildilar.

Ko‘p tomonlama platformalar doirasidagi o‘zaro hamkorlikka alohida e’tibor qaratilib, tomonlar O‘zbekiston va Kipr xalqlari manfaatlariga xizmat qiluvchi aloqalarni rivojlantirish tarafdori ekanini yana bir bor tasdiqladilar.