O‘zbekiston va Italiya qishloq xo‘jaligida yangi hamkorlik yo‘nalishlarini belgiladi

Toshkent, O‘zbekiston (UzDaily.uz) — Rim shahrida O‘zbekiston Respublikasi qishloq xo‘jaligi vaziri Ibrohim Yulchievich Abdurahmonov Italiya Respublikasining yetakchi agroindustrial kompaniyalaridan biri — “Bonifiche Ferraresi” rahbariyati bilan uchrashuv o‘tkazdi.

Uchrashuvda tomonlar qishloq xo‘jaligida innovatsion texnologiyalarni joriy etish, o‘g‘it va urug‘chilik tizimini rivojlantirish, qishloq joylarda agroindustriyani modernizatsiya qilish hamda qo‘shma investitsiya loyihalarini amalga oshirish masalalarini muhokama qildilar.

Suhbat yakunida “Bonifiche Ferraresi” kompaniyasi va O‘zbekiston agrar sektori o‘rtasidagi hamkorlikni kengaytirish, zamonaviy yechimlar asosida qo‘shma loyihalarni amalga oshirish bo‘yicha kelishuvga erishildi.