Toshkent, O‘zbekiston (UzDaily.uz) — O‘zbekiston Respublikasi tashqi ishlar vaziri Baxtiyor Saidov Iordaniya Hoshimiylar Podshohligi Bosh vaziri o‘rinbosari, tashqi ishlar va ekspatriatlar vaziri Ayman Safadi bilan uchrashuv o‘tkazdi.

Suhbat chog‘ida tomonlar O‘zbekiston-Iordaniya munosabatlarining bugungi holatini atroflicha muhokama qildilar va hamkorlikning istiqbolli yo‘nalishlarini belgilab oldilar.

Siyosiy muloqotni kengaytirish, iqtisodiy va gumanitar aloqalarni mustahkamlash, xalqaro tashkilotlar doirasidagi faol hamkorlikka alohida e’tibor qaratildi.

– Biz xalqaro maydonda hamkorlikni mustahkamlab, umumiy mintaqamizda tinchlik, barqarorlik va izchil taraqqiyotni ta’minlashga qaratilgan qo‘shma tashabbuslarni izchil qo‘llab-quvvatlaymiz, – dedi Baxtiyor Saidov.

TIV rahbari O‘zbekiston Iordaniya bilan o‘zaro hurmat va ishonchga asoslangan munosabatlarga katta e’tibor qaratishini ta’kidlab, ikki davlat o‘rtasidagi ko‘p qirrali sheriklik munosabatlari yanada chuqurlashishiga ishonch bildirdi.