O‘zbekiston va China Huadia energetika loyihalarini muhokama qildi

Toshkent, O‘zbekiston (UzDaily.uz) — 14-noyabr kuni Investitsiyalar, sanoat va savdo vazirligida vazir o‘rinbosari Ilzat Kasimov Xitoyning China Huadian Engineering Co., Ltd kompaniyasi direktorlar kengashi raisi Pen Ganpin bilan uchrashuv o‘tkazdi.

Kompaniya 1978-yilda tashkil etilgan bo‘lib, Xitoyning yirik davlat energetika korporatsiyalaridan biri - China Huadian Corporation tarkibiga kiradi.

Ustav kapitali 7,3 mlrd dollarni, o‘rtacha yillik daromadi 2,9 mlrd dollarni tashkil etadi. Yangi shartnomalar hajmi 3,7 mlrd dollarga yetadi, umumiy loyiha portfeli esa 5,9 mlrd dollarni tashkil qiladi.

Muzokaralar davomida O‘zbekistonda energetika loyihalarini amalga oshirish istiqbollari, jumladan shamol elektr stansiyasi qurilishi, vodorod energetikasini rivojlantirish va energetika sohasidagi boshqa investitsiya tashabbuslari muhokama qilindi.

Uchrashuv yakunida tomonlar hamkorlikni faollashtirish va aniq loyihalarni birgalikda ishlab chiqish borasida kelishib oldilar.