O‘zbekiston va China Coal hamkorlik memorandumini imzoladi

Toshkent, O‘zbekiston (UzDaily.uz) — 2025-yil 12-noyabr kuni Tog‘-kon sanoati va geologiya vaziri B.Islamov hamda vazirlik mutasaddilari China Coal Resources Development Group kompaniyasi rahbari Lyu Goshen boshchiligidagi delegatsiya bilan uchrashuv o‘tkazdilar.

Uchrashuvda China Coal Resources Development Group bilan hamkorlikda ko‘mir qazib chiqarish va qayta ishlashda zamonaviy texnologiyalar asosida samaradorlikni oshirish,  innovatsiyalar va transformatsiya boʻyicha ilg‘or texnologiyalarni sohaga tatbiq etish yuzasidan fikr almashildi.

Tomonlar hamkorlikni kengaytirish, qoʻshma loyihalarni amalga oshirish va kelgusidagi aloqalarni mustahkamlash yuzasidan anglashuv memorandumini imzolashdi.