Toshkent, O‘zbekiston (UzDaily.uz) — O‘zbekiston Respublikasi tashqi ishlar vaziri Baxtiyor Saidov Xalq Demokratik Bangladesh Respublikasining tashqi ishlar bo‘yicha maslahatchisi Tuxid Xoseyn bilan uchrashuv o‘tkazdi.

Konstruktiv ruhda o‘tgan suhbat chog‘ida tomonlar ikki tomonlama hamkorlikni chuqurlashtirish istiqbollarini muhokama qildilar. Ayniqsa, siyosiy muloqotni mustahkamlash, savdo-iqtisodiy aloqalarni kengaytirish, shuningdek, ikki mamlakat o‘rtasidagi madaniy va gumanitar almashinuvni rivojlantirish masalalariga alohida eʼtibor qaratildi.

O‘zbekiston tashqi ishlar vaziri taʼkidlaganidek, Bangladesh bilan munosabatlarda katta salohiyat mavjud. Xususan, mintaqaviy va ko‘p tomonlama maydonlarda o‘zaro hamkorlikni faollashtirish bu imkoniyatlarni amalga oshirishda muhim ahamiyat kasb etadi.